Gabimet gjyqësore i kushtojnë mbi 2 milionë euro Maqedonisë së Veriut

Të dhënat nga platforma “Financa të hapura” në Qeverinë e Maqedonisë së Veriut, tregojnë se mbi 2 milionë euro i kanë kushtuar shtetit gabimet gjyqësore, pasi qytetarët që kanë qenë të pakënaqur me vendimet e gjykatave të vendit, i janë drejtuar Gjykatës për të drejtat e njeriut në Strasburg.

Sipas statistikave të Byrosë për përfaqësimin e Maqedonisë së Veriut para Gjykatës në Strasburg, kjo gjykatë ka sjellë 153 vendime kundër shtetit, ku 108 prej tyre kanë të bëjnë me gjykime të stërzgjatura, përkatësisht mossjelljen e vendimeve nga gjykatat në afat të arsyeshëm.

Të dhënat tregojnë se për shkak të zvarritjeve të rasteve gjyqësore civile, administrative si dhe praktikat e pamjaftueshme të zbatimit civil, kanë rezultuar në shkeljen e të drejtave të qytetarëve të Maqedonisë së Veriut, të cilët më pas drejtësi kanë kërkuar në Gjykatën e Strasburgut.

Ish-gjykatësi, Bashkim Selmani, thotë për Radion Evropa e Lirë se zvarritja e proceseve gjyqësore po e bën jofunksional sistemin gjyqësor.

“Mbi 84 mijë lëndë në Republikën e Maqedonisë së Veriut mbeten të bllokuara në sirtarët e sistemit të drejtësisë, i cili është i korruptuar dhe pjesa tjetër, mbi një e dyta e lëndëve janë vjetërsuar në mënyrë të paarsyeshme”, thotë Selmani.

Ndërkaq, avokati Zvonko Davitkoviq, thotë se Gjykata e Strasburgut ka nxjerrë në pah shumë arsye se pse qytetarët e Maqedonisë së Veriut, e kanë të vështirë të realizojnë të drejtat e tyre.

“Madje as shkronja ‘r’ nga reformat nuk është bërë në sistemin e gjyqësisë në Maqedoninë e Veriut. Ne e kemi edhe në raportin e Pribesë, ku qartë janë fokusuar të gjitha problemet në sistemin e drejtësisë, madje janë dhënë shumë rekomandime edhe në raportin e Këshillit të Evropës. Kështu që, vetëm konfirmohen kritikat për dobësitë e shumta në sistemin tonë të drejtësisë, duke filluar nga qasja selektive, standardet e dyfishta, proceset e stërzgjatura si dhe paraburgimi si dënim, që shfrytëzohet për qëllime politike”, thotë Daitkoviq.

Por, ish-gjykatësi, Bashkim Selmani thotë se numri i ankesave në Gjykatën në Strasburg do të ishte më i lartë, por zvarritja e proceseve gjyqësore, ka pamundësuar që qytetarët e vendit t’i drejtohen këtij organi, pasi që pa një vendim të plotfuqishëm, ata nuk mund t’i drejtohen Gjykatës për të drejtat e njeriut.

“Qytetarët e Maqedonisë së Veriut, fillimisht e kanë patjetër të shfrytëzojnë të gjitha mjetet juridike nga shkalla e dytë, nga shkalla e tretë dhe pastaj t’i drejtohen Gjykatës në Strasburg. Kjo është një vështirësi sepse nuk u jepet e drejta qytetarëve të kërkojnë drejtësi në Strasburg pa u mbyllur çështja këtu, e këtu procesi gjyqësor di të zgjatë deri në dhjetë vjet”, thotë Selmani.

Përveç ankesave për të drejtën e gjykimit në kohë të arsyeshme në Gjykatën në Strasburg, qytetarët e Maqedonisë së Veriut janë ankuar edhe për stërzgjatjen e masës së paraburgimit./REL/

The post Gabimet gjyqësore i kushtojnë mbi 2 milionë euro Maqedonisë së Veriut appeared first on Telegrafi.


Burimi: telegrafi.com

comment Add Comment

Inspektorët tregojnë përse uji është i kuq në lumin Serava të Maqedonisë

Ministria e Mjedisit informon se kepet kanë dalë në terren për të kryer inspektimin urgjent përgjatë lumit Karposh pasi banorët vendas alarmuan dhe njoftuan ndotjen e tij.

Sot në rrjetet social u shpërndanë foto të lumit Serava ku shihet se uji është i kuq i errët.

Nga Ministria kompetente thonë se informacione të mëtejshme mbi arsyet e kësaj do të publikohen pasi të jetë përpiluar raporti i inspektimit të jashtëzakonshëm./Telegrafi/

The post Inspektorët tregojnë përse uji është i kuq në lumin Serava të Maqedonisë appeared first on Telegrafi.


Burimi: telegrafi.com

Thaçi kujton Skënderbeun: Plot 552 vjet jetojmë me heroizmin e tij

Presidenti i vendit, Hashim Thaçi, ka kujtuar heroin e kombit, Gjergj Kastriotin – Skënderbeun.

Përmes një shkrimi në rrjetin social Facebook, ka thënë se populli shqiptar jeton me heroizmin e Gjergj Kastriotit – Skënderbeut.

“Plot 552 vjet populli shqiptar jeton me heroizmin e Gjergj Kastriotit – Skënderbeut dhe shumë heronjve që si dalzotës të vendit dhe popullit janë frymëzuar nga vepra e tij.

Gjergj Kastrioti – Skënderbeu e personifikon një epokë të tërë të historisë kombëtare dhe bashkimi shpirtëror i popullit tonë, si dhe forcimi i vetëdijes sonë kombëtare, krahas fitoreve të shumta të Skënderbeut, ishin po ashtu fitore shumë të mëdha në epopenë e lavdishme të rezistencës së pashtershme të tij”, ka shkruar Thaçi.

 

The post Thaçi kujton Skënderbeun: Plot 552 vjet jetojmë me heroizmin e tij appeared first on Telegrafi.


Burimi: telegrafi.com

Njeriu i shërbimit sekret iranian planifikonte të hapte televizion në gjuhën shqipe

Ahmad Hosseini Alast, mbante detyrën e atasheut kulturor të Iranit në Shqipëri dhe kishte ardhur në Tiranë katër vite më parë.

Ai u dëbua si i padëshiruar nga Shqipëria për shkak se dyshohej se ishte pjesë e shërbimit sekret Iranian MOIS dhe statusi i atasheut kulturor i shërbente për mbulim. Menjehërë pas mbëritjes ai është emëruar edhe drejtor i fondacionit Saadi Shirazi që ushtron aktivitetin në Shqipëri prej vitit 1996.

Top Channel mëson nga burime të besueshme se Ahmad Hosseini Alast ishte duke punuar me Balkan Sahar, një media në shërbim të politikës se Teheranit dhe me seli në Bosnje për të ndërtuar një televizion në gjuhën shqipe.

Burimet thonë se këtë detyrë ai e morri më 9 Gusht të vitit 2017, kur udhëtoi për në Teheran dhe u takua me përfaqësues të MOIS(shërbimi sekret i Iranit, Forcat Quds, Zv.Drejtorin e ICRO (Organizatës së Kulturës dhe Marrëdhënieve Islamike), dhe menaxherin e rrjetit televiziv “Balkan Sahar”. Ata diskutuan për lehtësimin e krijimit të një rrjeti televiziv në gjuhën shqipe dhe vendosën t’a vazhdonin.

Alast është një anëtar i stafit të Organizatës së Kulturës dhe Marrëdhënieve Islamike, i cili shërbeu katër vjet si atashe kulturor në Bullgari. Më pas ai u zhvendos në Teheran dhe shërbeu si Kreu i Administratës Evropës Lindore dhe Gjermanisë në ICRO për 11 vite.

Më vonë, ai u bë këshilltar i Kreut të marrëdhënieve ndërkombëtare në ICRO (Organizatës së Kulturës dhe Marrëdhënieve Islamike). Ahmad u zhvendos në Tiranë në 2016, ku zëvendësoi, Abbas Azizi, ish-atasheun kulturor.

Në 19 Tetor 2017, Alast mori pjesë në një takim në “ICRO HË” kryesore në Teheran, ku u takua me autoritete të MOIS, Forcat Quds, përfaqësues të MIU dhe Kreun e sektorit të Evropës dhe Amerikës në ICRO. Në takim, Alast ishte tërësisht i informuar për prezencën e MEK në Shqipëri dhe mori politikën e nevojshme për të kundërvepruar ndaj situatës.

Para se të zhvendosej në Shqipëri, Ahmad kishte punuar për katër vite në shërbimin e këshillimit kulturor në ambasadën iraniane në Bullgari, ku ai inkurajoi 17-18 shtetas bullgarë të udhëtonin në Qom për të bërë trajnime teologjike. Një pjesë e këtyre njerëzve u integruan në ideologjinë ekstreme të Liderit Suprem dhe tanimë punojnë efektivisht për regjimin Iranian.

Gjatë qëndrimit në Shqipëri, Ahmad Hosseini Alast, i dërgoi një raport drejtorit të ICRO, Abuzar Ibrahimi Torkman, dhe citoi se do të performonte aktivitete të ngjashme në Shqipëri.

Ai tha se do të tërhiqte njerëz të rinj nga Alavite ose Sunnitë, ose ndoshta dhe nga sekte të tjera dhe do i kthente në mjete lidhjeje midis Iranit dhe shteteve në rajon. Qëllimi i prezencës kulturore të Iranit në rajon është të trajnojë mullahë, shkrimtarë apo përkthyes që mbështesin aktivitete të regjimit iranian.

Ai u dëbua së bashku me këshilltarin e ambasadës për shkak se kishin dalë nga roli i tyre si diplomatë. Këshilltari rezultonte të ishte anëtar i Gardës Revolucionare të Iranit dhe bashkëpunëtor i ngushtë i gjeneralit Soleiman dhe pjesë e rrjetit që kishte planifikuar të rrafshonte ambasadën e SHBA në Bagdad.

The post Njeriu i shërbimit sekret iranian planifikonte të hapte televizion në gjuhën shqipe appeared first on Telegrafi.


Burimi: telegrafi.com

Irani kërcënon trupat evropiane, ato mund të jenë në rrezik

Presidenti i Iranit, Hassan Rouhani, lëshoi ​​një kërcënim ndaj forcave evropiane në Lindjen e Mesme të mërkurën, pasi Britania, Franca dhe Gjermania sfiduan Teheranin për shkeljen e marrëveshjes bërthamore të 2015-ës.

“Sot, ushtria amerikane është në rrezik, nesër ushtria e evropiane mund të jetë në rrezik”, tha Rouhani në një takim televiziv të Kabinetit, një ditë pasi të tre vendet evropiane paralajmëruan Iranin për shkeljen e marrëveshjes bërthamore, transmeton Telegrafi.

Britania dhe Franca mbajnë bazat në Gjirin Persik, dhe forcat evropiane shërbejnë në mënyrë rutinore në Irak dhe Afganistan.

Rouhani nuk u zgjerua me kërcënimin e tij, por ai vjen vetëm një javë pasi Irani goditi bazat amerikane në Irak me raketa balistike, në shenjë hakmarrjeje për sulmin me dron, ku amerikanët vranë gjeneralin e fuqishëm Qassem Soleimani.

Sipas marrëveshjes së vitit 2015, e cila u arrit për të parandaluar Iranin të zhvillonte një bombë bërthamore, Teherani pranoi kufizime në programin e tij bërthamor në këmbim të lehtësimit të sanksioneve.

Por që kur SHBA u tërhoq në vitin 2018, Irani gradualisht ka hequr dorë nga kufizime duke tentuar të pasurohet me uranium. /Telegrafi/

The post Irani kërcënon trupat evropiane, ato mund të jenë në rrezik appeared first on Telegrafi.


Burimi: telegrafi.com

comment Add Comment

Mourinho e konsideron punën te Tottenhami si më të vështirën që nga Porto

Jose Mourinho thotë se puna te Tottenham Hotspur, është puna më e vështirë që ka marrë që nga drejtimi i Portos para 18 vitesh.

Portugezi ka theksuar se angazhimi te Spursat nga muaji nëntor është shoqëruar me fat të keq dhe probleme të shumta që nga fillimi.

“Shikoni, nëse dëshironi të dini se çfarë kam dashur të bëj këtu, shikojeni lojën time të parë – ndaj West Hamit (fitore 3-2). Ajo ishte mënyra ime si mendoja ta zhvilloja skuadrën. Duke u mbrojtur me katër lojtarë, duke sulmuar me tre të tjerë”.

Jose Mourinho si trajner i Tottenham Hotspur (Foto: Shaun Botterill/Getty Images/Guliver)

“Por, ajo ishte dita e parë e pafat, lamtumire Ben Davies. Mendoj se gjithçka nisi me Hugon. E humb kapitenin për një kohë aq të gjatë dhe pastaj, në rastin tim, e humba Benin kur mendova se kam diçka këtu”, citon The Sun fjalët e Mourinhos.

Nëse kjo nuk do të mjaftonte, sulmuesi Harry Kane dhe mesfushori Moussa Sissoko do të mungojnë në pjesën më të madhe të sezonit, ndërsa transferimi i shtrenjtë, Tanguy Ndombele, nuk është në kondicionin e duhur për lojë.

Jose Mourinho si trajner i Portos (Foto: Stuart Franklin/Getty Images/Guliver)

“E humb edhe një lojtar tjetër dhe e humb Kanen dhe nuk ke sulmues… Prandaj në vend të ndërtosh diçka, ndodhesh përballë një enigme. Po përpiqemi të përgatisim një skuadër që mund të luajë në ndeshjen e radhës”.

“Është hera e dytë që e marr një skuadër në mes të sezonit (duke kujtuar Porton në vitin 2002). Vetëm hera e dytë… Porto nuk po fitonte, por ishte fundi i një epoke… Ishte tjetër kohë te Porto”, ka shtuar portugezi. /Telegrafi/

The post Mourinho e konsideron punën te Tottenhami si më të vështirën që nga Porto appeared first on Telegrafi.


Burimi: telegrafi.com

comment Add Comment

Cardi B njofton aspiratat politike: Unë nuk jam dakord me Qeverinë

A po përgatitet Cardi B për një karrierë në politikë?

Reperja 27-vjeçare mori vëmendje me një postim të sajin të publikuar në rrjetin social, Twitter, teksa flet për futjen e saj në politikë.

“Mendoj se dua të bëhem politikane”, ka shkruar ylli i “Bodak Yello”. “Unë me të vërtetë e dua Qeverinë edhe pse nuk jam dakord me Qeverinë”.

Ajo erdhi me një tjetër shkrim, duke shprehur dashurinë e saj për dokumentarët e luftës.

“Si unë isha duke shikuar dokumentarë të luftës. Pa marrë parasysh sa armë ka në një vend ne kemi nevojë për njerëz. Si po përpiqeni të shkoni kundër një vendi dhe ndoshta të filloni një luftë kur këtij vendi i mungon patriotizmi? Unë mezi shoh njerëz që pretendojnë se duhet të jenë amerikanë”, shkroi Cardi B në postimin e saj.

Cardi shprehu interes për t’u rikthyer në shkollë në mënyrë që t’i merrte më seriozisht aspiratat e saj politike.


Cardi B iu del në mbrojtje iranianëve: Ata nuk janë terroristë, Trumpi ështëCardi B iu del në mbrojtje iranianëve: Ata nuk janë terroristë, Trumpi është

“Ndihem sikur të kthehem në shkollë dhe të përqendrohem se mund të jem pjesë e Kongresit”, tha ajo. “Kam shumë ide që kanë kuptim. Unë kam nevojë vetëm për disa vjet shkollë dhe unë mund të bëjë gjëra të mira”.

Këto lajme të reperes amerikane vijnë disa ditë pasi Trump akuzoi Iranin për planifikimin e sulmeve ndaj katër ambasadave amerikane, dhe kjo ishte arsyeja pse Shtetet e Bashkuara të Amerikës vranë gjeneralin iranian Qaseem Soleimani. /Telegrafi/

Cardi B (Foto: Rich Fury/Getty Images for Fashion Nova)

The post Cardi B njofton aspiratat politike: Unë nuk jam dakord me Qeverinë appeared first on Telegrafi.


Burimi: telegrafi.com

comment Add Comment

Fotosesioni me fustan të bardhë, Rike Roçi vjen tërheqëse

Bukuroshja shqiptare, Rike Roçi, ka joshur sërish interesimin e faqeve rozë me setin e ri fotografik.

Modelja dhe personazhi i njohur televiziv që numëron mbi 130 mijë ndjekës në Instagram, kohë pas kohe publikon fotografi nga jeta dhe karriera e saj.

Kësaj radhe ka ardhur me disa imazhe me fustan të bardhë që ia tregon figurën trupore dhe duket për mrekulli.

Rike fillimisht u bë e njohur me pjesëmarrjen në versionin shqiptar të spektaklit real televiziv, ‘Big Brother’, ndërsa tërhoqi vëmendje me praninë e saj në tribunat e stadiumeve gjatë Kampionatit Evropian, ‘Euro 2016’.

Faqet rozë të mediave të njohura ndërkombëtare i kanë kushtuar artikuj bukuroshes shqiptare, e cila asokohe u bë mjaft e popullarizuar. /Telegrafi/

 

The post Fotosesioni me fustan të bardhë, Rike Roçi vjen tërheqëse appeared first on Telegrafi.


Burimi: telegrafi.com

Komunikacioni pa pengesa në Maqedoni, borë në Kodrën e Diellit, Strazhë e Mavrovë

Siç njoftojnë nga LAMM, komunikacioni në Maqedoni po zhvillohet pa pengesa me rrugë kryesisht të lagështa ndërsa reshje të shiut ka në Kodrën e Diellit, Mavrovë dhe Strazhë.

Dendësia e komunikacionit jashtë qyteteve është mesatar ndërsa në vendkalimet kufitare nuk ka pritje të gjata për hyrje dhe dalje nga vendi, njofton Telegrafi Maqedoni.

LAMM rekomandon shpejtësi të përshtatur të qarkullimit, respektim të sinjalizimit të vendosur të komunikacionit dhe drejtim të kujdesshëm me automjetin, veçanërisht në rrugët nëpër fushëgropat, luginat e lumenjve dhe grykat malor, ku ka mundësi për paraqitje të shembjeve.

Kjo veçanërisht ka të bëjë me akset rrugore Katllanovë-Veles, Mavrovë-Dibër-Strugë, Vinicë-Berovë dhe Koçan-Dellçevë.

Gjithashtu, nga 15 nëntori 2019, ka hyrë në fuqi detyrimi ligjor për posedim të pajisjeve dimërore nëpër makina, që do të zgjasë deri më 15 mars./Telegrafi/

The post Komunikacioni pa pengesa në Maqedoni, borë në Kodrën e Diellit, Strazhë e Mavrovë appeared first on Telegrafi.


Burimi: telegrafi.com

Maqedoni, humbin jetën dy fëmijë nga shpërthimi i zjarrit

Dy fëmijë, njëri i moshës tre vjeçare dhe tjetri i moshës një vjeçare kanë humbue jetën në zjarr në një shtëpi në lagjen Shuto Orizare të Shkupit.

Sot pasdite në zjarr në një shtëpi në Shuto Orizare kanë humbur jetën fëmijë të vegjël. Në shtëpi ka pasur edhe dy fëmijë tjerë, por ata kanë arritur të largohen nga shtëpia e kapluar nga zjarri me ndihmën e fqinjëve.

Nga njësia e zjarrfikësve informojnë se zjarri është paraqitur rreth orës 13 e 25 minuta në rrugën “Bërsjaçka”, ku kanë intervenuar 15 zjarrfikës./Telegrafi/

The post Maqedoni, humbin jetën dy fëmijë nga shpërthimi i zjarrit appeared first on Telegrafi.


Burimi: telegrafi.com