comment Add Comment

Arrestohet një i dyshuar pas vjedhjes në shtëpinë e Shawn Mendes dhe Camila Cabello

Shawn Mendes dhe Camila Cabello janë përballur me një vjedhje që ka ndodhur në shtëpinë e tyre.

Një ngjarje e tillë ka ndodhur muajin e kaluar, derisa të dyshuarit kishin marrë edhe makinën e artistit, të tipit ‘Mervedes G-Class SUV’, shkruan Daily Mail.

Sipas raporteve nga TMZ, oficerët e LAPD arrestuan një person të enjten për gjoja hyrje në shtëpinë e çiftit.

Thuhet se forcat e rendit gjetën të dyshuarin pasi gjetën çelësin e makinës së Shawn.

Raportet pretenduan në fillim të kësaj jave se grabitësit morën çelësat e SUV Mercedes G-Class të këngëtarit dhe u largua, i cili kushtonte të paktën gjashtë shifra.

Ndërkohë vetura e këngëtarit u gjet në Beverly Hills javën e kaluar dhe më pas u kthye. /Telegrafi/

The post Arrestohet një i dyshuar pas vjedhjes në shtëpinë e Shawn Mendes dhe Camila Cabello appeared first on Telegrafi.


Burimi: telegrafi.com

Në këtë provë, VW ID.4 mposht Tesla Model 3

Në një video, makina elektronike e VW ishte në gjendje të ‘mbante veten’ kundër konkurrencës.

SUV plotësisht kompakt elektrik nga Volkswagen ID.4 është në dispozicion që nga fillimi i vitit dhe ka performuar mirë në provën e parë.

Në një provë nga YouTuber Bjørn Nyland, automjeti u dërgua tani në garë kundër Modelit 3 të Tesla dhe e-Up-it të vogël, gjithashtu nga VW.

Fokusi ishte tek rrethi i kthimit të automjeteve, transmeton Telegrafi.

ID.4 performoi çuditërisht mirë.

Në provë, Modelit 3 i duheshin rreth 4 hapësira parkimi për t’u kthyer, ID.4 i duheshin vetëm 3. /Telegrafi/

The post Në këtë provë, VW ID.4 mposht Tesla Model 3 appeared first on Telegrafi.


Burimi: telegrafi.com

comment Add Comment

Biseda pas ndeshjes mes Florentino Perez, Fabinho dhe Vinicius – braziliani i Liverpoolit me fjalë të mëdha për brazilianin e Realit

Pas ndeshjes mes Real Madridit dhe Liverpooli të fituar nga mbretërit 3-1, presidenti Florentino Perez e ndërpreu bisedën e Vinicius Junior me Fabinhon në tunel.

Florentino kishte zbritur për të parë lojtarët e Real Madridit pas fitores 3-1, ndërsa Vinicius sapo kishte mbaruar intervistën televizive pasi u shpall lojtar i ndeshjes.

Me të parë Fabinhon, presidenti i Real Madridit foli me ish lojtarin, pasi braziliani kishte luajtur më parë në këtë klub.

“Me ne ju keni luajtur si mbrojtës i djathtë”, e kujton Florentino Perez kohën e Fabinhos.

“Po, por për të luajtur mbrojtësin e djathtë tani … Çfarë lojtari keni në krahë si Vinicius”, u përgjigj lojtari i Liverpool .

Vinicius shënoi dy gola në fitore e Real Madridit. /Telegrafi/

The post Biseda pas ndeshjes mes Florentino Perez, Fabinho dhe Vinicius – braziliani i Liverpoolit me fjalë të mëdha për brazilianin e Realit appeared first on Telegrafi.


Burimi: telegrafi.com

comment Add Comment

Policia spanjolle është duke hetuar nëse Enis Bardhi po voziste me leje false

Policia lokale në Valencia është duke kontrolluar patentën e shoferit të futbollistit të Levantes, Enis Bardhi, me dyshimin se mund të jetë fals – pasi lojtari ishte ndalur të hënën në një pikë kontrolli dhe zyrtarët policorë kishin hedhur dyshime se dokumenti nuk ishte i ligjshëm.

Gazeta Las Provincias raporton se futbollisti shqiptar që e përfaqëson Maqedoninë e Veriut, ishte ndalur për një kontroll rutinor, ndërsa njëri nga policët kishte vërejtur se dokumenti “ishte i printuar në një plastikë me format kartele dhe se shenjat e tjera mungonin pas shqyrtimit të dokumentit nën rrezet ultravjollce”.

Më pas, policët thuhet ta kenë informuar lojtarin lidhur me pasojat ndëshkuese të vozitjes me leje false, duke qenë se ai mund të akuzohet në dy pika: Për ‘falsifikim dokumentesh’ dhe për ‘rrezikim të sigurisë rrugore’.

(Foto: Instagram/enisbardhi10)

Policia ia imobilizuar veturën e tij, Porsche Panamera, ashtu që një mik i Bardhit ka shkuar për ta marrë lojtarin.

Sipas burimeve të policisë lokale, transmetuar nga Efe, dokumenti është nën verifikim për t’u kuptuar nëse është gjithçka në rregull apo është dokument fals. /Telegrafi/

The post Policia spanjolle është duke hetuar nëse Enis Bardhi po voziste me leje false appeared first on Telegrafi.


Burimi: telegrafi.com

comment Add Comment

Formacionet zyrtare: Barcelona luan vetëm për fitore ndaj Valladolidit

Barcelona luan përballë Real Valladolidit në ndeshjen e mbetur të xhiros së 29-të në kampionatin spanjoll të futbollit.

Sfida e La Ligas që zhvillohet në Camp Nou është shumë e rëndësishme për Blaugranët, të cilët me fitore eventuale do ta ngushtonin diferencën në një pikë me liderin Atletico Madrid.

Valladolidi pozicionohet në vend të 16-të në tabelë, ndërsa ndodhet vetëm tri pikë larg zonës së rrezikut.

Trajnerët Ronald Koeman dhe Sergio Gonzalez tashmë i kanë zgjedhur lojtarët me të cilët do ta fillojnë takimin nga minuta e parë.

Formacioni startues i Barcelonës:

Formacioni startues i Real Valladolidit:…

/Telegrafi/

The post Formacionet zyrtare: Barcelona luan vetëm për fitore ndaj Valladolidit appeared first on Telegrafi.


Burimi: telegrafi.com

Kosnett uron Osmanin për postin e Presidentes: SHBA mbetet e përkushtuar për partneritet të ngushtë me Kosovën

Ambasadori amerikan Philip Kosnett ka uruar Vjosa Osmanin për zgjedhjen e saj si Presidente e Kosovës.

Konsett përmes një postimi në Twitter ka shkruar se SHBA mbetet e përkushtuar për partneritet të ngushtë me Republikën e Kosovës.

“Përgëzime për Vjosa Osmanin për zgjedhjen e saj si President, dhe për ata deputetë që kryen detyrën e tyre si anëtarë të Kuvendit. SHBA mbetet e përkushtuar për partneritet të ngushtë me Republikën e Kosovës për të ndërtuar një të ardhme të paqes, drejtësisë dhe prosperitetit për të gjithë qytetarët”, ka shkruar Kosnett.

Vjosa Osmani është zgjedhur sot Presidente e Kosovës, në raundin e tretë të votimit në Kuvendin e Kosovës ku nga 82 deputetë të pranishëm mori 71 vota. /Telegrafi/

 

The post Kosnett uron Osmanin për postin e Presidentes: SHBA mbetet e përkushtuar për partneritet të ngushtë me Kosovën appeared first on Telegrafi.


Burimi: telegrafi.com

​Kollçaku- Mullhaxha: Besoj që do ta zgjedhim presidentin

Nënkryetarja e LVV-së, Fatmire Kollçaku-Mullhaxha po shprehet optimiste se Vjosa Osmani do të zgjidhet sonte presidente.

Ajo pret konstruktivitet nga partitë tjera politike për zgjedhjen e shefit të ri të shtetit në seancën e Kuvendit të paraparë për në orën 18:00, por që ende nuk ka filluar të mbahet.

“Besoj që do ta zgjedhim presidentin, ajo çfarë më gëzon më shumë është që përsëri do ta kemi një grua presidente, e cila edhe do të përçojmë një mesazh të mirë që me të vërtetë po vijnë ditë të mira për Kosovën. Ne presim konstruktivitet… tashmë do të mblidhemi në sallë. Unë tani po më shihni qe po shkoj në sallë. Mua siç më është thënë kam ardhur në orën 18:00 dhe tani më është thënë që të shkoj në sallë në bazë se çfarë u dakorduam në grup”, ka deklaruar ajo.

Kollçaku-Mullhaxha ka njoftuar se paraprakisht kanë pasur një takim me anëtarët e Grupit Parlamentar të Lëvizjes Vetëvendose.

“Çdo gjë besoj që jemi koordinuar, tash ta shohim. Nuk kam çfarë të deklaroj më tepër. Ajo çfarë është biseduar do të reflektohet edhe këtu… Alternativa ka gjithmonë, vetëm vdekja nuk ka alternativë”, ka shtuar Kollçaku-Mullhaxha.

Sa i përket vendimit për mbyllje totale për shkak të pandemisë me koronavirus, ajo tha se çdo vendim do të jetë konform situatës.

The post ​Kollçaku- Mullhaxha: Besoj që do ta zgjedhim presidentin appeared first on Telegrafi.


Burimi: telegrafi.com

LDK thërret konferencë për medie

Kryetari i Lidhjes Demokratike të Kosovës (LDK), Lumir Abdixhiku do të mbajë konferencë për medie.

Abdixhiku në konferencë për medie do të dalë në ora 20:00.

“Sonte (e premte), më datë 2 prill 2021, në orën 20:00, kryetari i LDK-së, Dr. Lumir Abdixhiku, mban konferencë për medie. Konferenca mbahet në selinë qendrore të LDK-së”, thuhet në njoftimin e LDK-së.

Kjo konferencë e të parit të LDK-së erdhi pas mbledhjes së Qeverisë së Kosovës, ku kjo Qeveri dërgoi në Kuvend propozimet sa i përket Ligjit për Zgjedhjet në Republikën e Kosovës, që t‘u mundësohet mërgatës votimi në ambasada dhe në konsullata.

Kryeministri i Kosovës, Albin Kurti, tha se si sipas kërkesës Kuvendit i kanë përgatitur opinionin për vlerësimin e ndikimit buxhetor.

The post LDK thërret konferencë për medie appeared first on Telegrafi.


Burimi: telegrafi.com

Maqedoni: Dilema rreth memorandumit me “Bechtel-Enka”

Njoftimi i qeverisë për ofensivë të re të infrastrukturore pa zgjedhur kompani ndërtimi në tender, ngre dyshime për manipulime të reja në shpenzimin e parave publike. Ekspertët e prokurimit publik thonë se nga ajo që është publikuar deri më tani, mbetet e paqartë se në çfarë kriteresh dhe në çfarë procedure është përcaktuar që oferta e ndërmarrjes së huaj Behtel Enka është më e favorshme ekonomikisht për të nënshkruar memorandum bashkëpunimi me Qeverinë.

“Nëse procedura shkon një hap më tej dhe arrihet marrëveshje, ajo do t’i paraqitet Parlamentit për mbështetje. Nga këtu mund të konstatoj se në fakt ideja është të anashkalohet Ligji për Prokurimin Publik”, tha Sabina Fakiq nga Qendra për Komunikime Civile.

Ekspertët thonë se nëse në këtë mënyrë përfundon marrëveshja me kompaninë e huaj, ajo do të jetë një vazhdim i praktikës, që projekte të mëdha infrastrukturore të ndërtohen pa tender ndërkombëtar. Ky rast është shumë i ngjashëm me zgjedhjen e ndërmarrjes kineze Sinohidro gjatë qeverisjes së Gruevski, kompani që e ndërton autostradën Kërçovë – Ohër, thotë Fakiq. Për këtë rast zhvillohet procedurë gjyqësore, ndërsa aktakuzë për keqpërdorim të pozitës zyrtare është ngritur ndaj Nikolla Gruevskit, Vladimir Peshevskit dhe Mile Janakievskit .

“Edhe në periudhën kur u lidh kontrata me kompaninë kineze dhe kur e gjithë pakoja e konstruksionit financiar u miratua në Parlament, ne si organizatë theksuam se është e panevojshme të anashkalohet procesi i prokurimit publik në ndërtimin e projekteve të mëdha infrastrukturore… “, pohoi Sabina Fakiq nga Qendra për Komunikime Civile.

Sipas marrëveshjes fillestare, kompania amerikane Behel Enka, ofrohet që ta ndërtojë autostradën Tetovë – Gostivar – Kërçovë, Strugë – Qafëthanë, por edhe nga Prilepi deri në Manastir. Ajo është ofruar të bëjë studim fizibiliti, projektin financiar dhe realizimin dhe do t’ia ofrojë atë qeverisë. Por si do ta vlerësojë qeveria nëse çmimi që do të ofrohet do të jetë i vlefshëm, nuk dihet, sepse nuk do të ketë ofertë të dytë? Kompania Behtel Enka ka ndërtuar autostradën në Kosovë që të çon për në Shqipëri. Ajo autostradë ka kushtuar 17 milion dollarë për një kilometër./Alsat/

The post Maqedoni: Dilema rreth memorandumit me “Bechtel-Enka” appeared first on Telegrafi.


Burimi: telegrafi.com

Gjakovë, burri ther me thikë gruan e tij

Një grua është therur me thikë nga bashkëshorti i saj në Gjakovë.

Zëdhënësi i Policisë së Kosovës për rajonin e Gjakovës, Nysret Gjurkaj konfirmoi për Telegrafin se rasti ka ndodhur rreth orës 15:30.

“Stacioni policor- Gjakovë ka pranuar informatë se një person i gjinisë femërore është sulmuar nga një person në rr.UÇK në Gjakovë. Patrulla policore i është përgjigjur rastit, dhe me të dalur në vend të ngjarjes ka takuar viktimën femër e cila dyshohet që është sulmuar me mjet të mprehtë (thikë) nga burri i saj. Viktima është dërguar me autoambulancë në Emergjencën e Spitalit Rajonale ‘Isa Grzda’ në Gjakovë, pasi që ka pësuar disa lëndime në qafë dhe dorë nga goditjet e të dyshuarit. Sipas mjekëve, gjendja shëndetësore e viktimës është stabile”, tha ai.

Gjurkaj tha se i dyshuari është larguar nga vendi i ngjarjes dhe se njësitet policore janë duke e kërkuar të dyshuarin.

“Lidhur me rastin janë njoftuar të gjitha njësitet relevante policore dhe Prokurori Kujdestar”, theksoi ai. /Telegrafi/

The post Gjakovë, burri ther me thikë gruan e tij appeared first on Telegrafi.


Burimi: telegrafi.com