comment Add Comment
Posted on Last updated

Zyrtare: UEFA dënon Neymarin pasi ky i fundit kishte fyer gjyqtarët dhe VAR-in pas eliminimit nga Man Utd

Eliminimi në 1/8 e finales nga Manchester United nuk është dhimbja e vetme për gjigantin francez PSG.

Një tjetër plagë pas atij eliminimi i ka dhënë edhe UEFA pasi e ka dënuar brazilianin Neymar.

Transferimi më i shtrenjtë në histori të futbollit kishte shpërthyer pas eliminimit të PSG-së, duke fyer gjyqtarët dhe VAR-in për penalltinë e dhënë për Djajtë e Kuq.

“Kjo është e turpshme. Lejojnë katër persona që nuk marrin vesh nga futbolli që të shohim gjuajtjen, me pamje të ngadalësuar ,kjo është e paimagjinueshme”.

Neymar . (Foto: /Getty Images/Guliver)

“Si mund ta shohë topin dhe ta heqë dorën mbrojtësi, kur është më shpinë?”, kishte shkruar Neymar pas ndeshjes në Instagram.

E falë kësaj deklarate publike, shtëpia më e madhe e futbollit në Evropë, UEFA e ka dënuar brazilianin me tri ndeshje moslojë në Ligën e Kampionëve.

Pasi PSG është eliminuar, dënimi i Neymar do të jetë për edicionin e ri në Ligën e Kampionëve. /Telegrafi/

The post Zyrtare: UEFA dënon Neymarin pasi ky i fundit kishte fyer gjyqtarët dhe VAR-in pas eliminimit nga Man Utd appeared first on Telegrafi.


Burimi: telegrafi.com