comment Add Comment
E publikuar më I përditësuar i fundit

Thiago Alcantara dhuroi magji ndaj Barcelonës, pasimi ‘pa shikuar’ te goli i Gnabryt po vlerësohet lartë

Thiago Alcantara prodhoi pasimin më të shijshëm ‘pa shikuar’ në ndërtimin e golit të Serge Gnabry kundër Barcelonës.

Mesfushori spanjoll ishte në maksimumin e tij në fitoren mahnitëse 8-2 në çerekfinale të Ligës së Kampionëve ndaj ish-skuadrës së tij.

Alcantara nuk shënoi gol, por ishte motori i mesfushës dhe lojtari që tregonte në çdo kohë klasin e tij të madh në mesin e fushës.


Thiago flet për duelin e fituar ndaj Barcelonës dhe kundërshtarët e radhës të BayernitThiago flet për duelin e fituar ndaj Barcelonës dhe kundërshtarët e radhës të Bayernit

Dhe nëse një pjesë e lojës përmblidhte performancën e tij – dhe aftësitë supreme në tërësi – ishte pjesa e tij tek goli i Gnabryt për epërsinë 3-1.

I vendosur thellë në mesfushë, Thiago bëri me lehtësi dhe bukuri një pasim ‘pa shikuar’ i cili më pas u vazhdua nga Leon Goretzka dhe Gnabry që gjeti golin.

Ky pasim i Alcantaras ka bërë bujë të madhe në rrjetet sociale, pasi komentuesit janë plotë lëvdata për të.

Spanjolli edhe në të kaluarën ka ditur të dhurojë magji me topin dhe për këtë vazhdon të mbetet njëri nga mesfushorët më të preferuar në botë. /Telegrafi/

 

The post Thiago Alcantara dhuroi magji ndaj Barcelonës, pasimi ‘pa shikuar’ te goli i Gnabryt po vlerësohet lartë appeared first on Telegrafi.


Burimi: telegrafi.com