Haradinaj përsëri ia thotë këngës “Ani moj Kosovë”

Kryetari i Aleancës për Ardhmërinë e Kosovës, Ramush Haradinaj përsëri ka kënduar këngën e tij të preferuar “Ani moj Kosovë”.

Ish-kryeministri gjatë përvjetorit të dëshmorit Bastri Canollit në fshatin Canaj të Gollakut, së bashku me miq e dashamirë, është parë duke kënduar këngën “Ani moj Kosovë”, njëra ndër këngët më të preferuara të tij.

Më poshtë ndiqni një video të shkurtë ku Haradinaj shihet duke i asistuar njërit nga grupet folklorike.

The post Haradinaj përsëri ia thotë këngës “Ani moj Kosovë” appeared first on Telegrafi.


Burimi: telegrafi.com

Ambasadorët e QUINT-it i shkojnë në zyrë zv.kryeministrit Bislimi, Kryeziu: Takimet janë të rregullta

Zëdhënësi i Qeverisë së Kosovës, Përparim Kryeziu ka ritheksuar se qëndrimi për Asociacionin është i njëjtë dhe i pandryshueshëm.

Kryeziu këtë deklaratë e bëri në RTV Dukagjini, pas pyetjes se bërë nëse zv.kryeministri Besnik Bislimi, ka takuar ambasadorët e QUINT-it dhe shefin e Zyrës së BE-së në Prishtinë për të diskutuar për asociacion, transmeton Telegrafi.

“Albin Kurti sikur Besnik Bislimi ka takime të rregullta, disa në baza javore, qëndrimet tona sa i përket asociacionit janë të njëjta dhe të pandryshueshme”, tha ai.

Ndryshe, kryeministri Albin Kurti ka takuar presidentin serb Aleksandar Vuçiq, ditën e martë në Bruksel.

Në takimin e ndërmjetësuar nga përfaqësuesi i Lartë i BE-së për Politikë të Jashtme dhe Siguri, Josep Borrell dhe i dërguari i posaçëm i BE-së për dialogun Kosovë-Serbi, Miroslav Lajçak, pala kosovare dhe ajo serbe paraqitën qëndrimet e tyre për agjendën e dialogut, por që nuk arritën ndonjë pajtim.

Kurti ka theksuar se është i gatshëm për dialog dhe njohje të ndërsjelltë, por që të gjitha marrëveshjet e arritur deri tani duhet shqyrtuar. /Telegrafi/

The post Ambasadorët e QUINT-it i shkojnë në zyrë zv.kryeministrit Bislimi, Kryeziu: Takimet janë të rregullta appeared first on Telegrafi.


Burimi: telegrafi.com

comment Add Comment

Formacionet zyrtare, Itali – Zvicër: Xhaka dhe Shaqiri nga minuta e parë, Mancini nuk ndryshon

Italia do të luajë ndaj Zvicrës në stadiumin ‘Olympico’ në kuadër të xhiros së dytë të grupit A.

Italianët e nisën shumë mirë duke fituar ndeshjen e parë ndaj Turqisë (3-0), ndërsa zviceranët barazuan ndaj Uellsit (1-1).

Sot Roberto Mancini nuk ka ndryshuar shumë, duke filluar nga minuta e parë me dyshen Leonardo Bonucci – Giorgio Chiellini në mbrojtje.

Mesfusha dhe sulmi do të jetë e njëjtë, sikurse në ndeshjen e parë.

Në anën tjetër te Zvicra nga minuta e parë luajnë dyshja Granit Xhaka dhe Xherdan Shaqiri.


Italia: G Donnarumma; Di Lorenzo, Bonucci, Chiellini, Spinazzola; Barella, Jorginho, Locatelli; Berardi, Immobile, Insigne.

Zvicra: Soomer, Mbabu, Elvedi, Akanji, Embolo, Freuler, Seferovic, Xhaka, Rodriguez, Schar, Shaqiri.


/Telegrafi/

The post Formacionet zyrtare, Itali – Zvicër: Xhaka dhe Shaqiri nga minuta e parë, Mancini nuk ndryshon appeared first on Telegrafi.


Burimi: telegrafi.com

comment Add Comment

Arsenali e ka refuzuar ofertën e Romës për Xhakën

Sipas njoftimit të BBC Sport, Arsenali e ka refuzuar ofertën e Romës për shërbimet e Granit Xhakës.

Giallorossët besohet të kenë ofruar 12 milionë euro plus bonuset (një shumë që mund të arrijë në 15 milionë euro), gjë që është refuzuar nga Topçinjtë.

Pritet të shihet se cila është shuma që Arsenali dëshiron të përfitojë nga shitja e mesfushorit shqiptar.

(Foto: Instagram/granitxhaka)

Në ndërkohë, Sky Sport Italia raporton se Xhaka është duke i bërë presion klubit anglez që ta lejojë largimin e tij.


Freuler shton akoma më shumë spekulimet: Xhaka më ka pyetur se si janë rrugët në Itali
Freuler shton akoma më shumë spekulimet: Xhaka më ka pyetur se si janë rrugët në Itali

Trajneri i ri i Giallorossëve, Jose Mourinho, e ka kërkuar specifikisht përfaqësuesin e Zvicrës në Stadio Olimpico.

Mesfushori, i cili mbush 29 vjet në shtator, ka kontratë me Arsenalin deri në qershor të vitit 2023. /Telegrafi/

The post Arsenali e ka refuzuar ofertën e Romës për Xhakën appeared first on Telegrafi.


Burimi: telegrafi.com

comment Add Comment

Real Madridi organizon kamp stërvitor në Kosovë – mundësi e artë për talentët kosovarë

Njëri ndër klubet më të mëdha në botë Real Madridi do të mbaj një kamp stërvitor prej pesë ditësh dhe do të ketë për qëllim zbulimin dhe avancimin e talentëve të futbollit në vendin tonë.

Robin Krasniqi, përfaqësues zyrtar i kampit të Real Madrid në Kosova me këtë rast tha se është shumë i lumtur që ka punuar dhe ka arritur që ta sjellë këtë projekt në Kosovë dhe kjo është bërë për shkak të entuziazmit të madh që ekziston për futbollin në Kosovë.

“Jam shumë i lumtur që pas një pune disa mujore janë…. storie. Mua më kanë pyetur njerëzit nga Anglia, nga shtete të ndryshme se pse e keni zgjedhur Kosovën që ta organizojmë dhe është një arsye e thjeshtë. Edhe pse nuk e flas shumë mirë gjuhën shqipe por kam një lidhje me Kosovën dhe shtëpia imë është këtu. E di që në Kosovë natyrisht ka një entuziazëm shumë të madh rreth futbollit kështu edhe në një far mënyrë është nder ky. Gjithmonë kam menduar se si t’ia kthej diçka shtetit… dhe besoj se ky ka qenë projekti i duhur. Natyrisht që Real Madridi është një prej skuadrave më të mira në botë dhe besoj se ky projekt do të jetë i duhuri për ne”, tha Krasniqi.

Ndërsa Arlind Sadiku, zëdhënës i kampit stërvitor të Real Madridit në Kosovë tha se ky eveniment është shumë i rëndësishëm sepse do të drejtohet nga trajner dhe skautuar të njëri prej klubeve më të mira në botë.

“Besoj që do të jetë një kamp stërvitor që i është nevojitur fëmijëve tanë për të punuar në mënyrat më të përparuara që mund të ketë një klub. E dimë që Real Madridi është një prej klubeve më të mëdha ne Evropë nëse jo më i forti kështu që për fëmijët tanë besoj që fillimisht do të jetë një kënaqësi të punojë me ekspertët e futbollit, do të jenë dy trajner që do të vijnë nga Spanja. Në të njëjtën kohë ata janë skaut dhe do të kenë mundësi që të përcjellin fëmijët nga mosha 6 deri në 16 vjeç, pra do të jenë pjesë e këtij evenimenti, kështu që për të gjithë fëmijët natyrisht që është eksperiencë e cila u ka munguar sepse e dimë se në çfarë kushte punohet në Kosovë”, tha Sadiku.

Me tutje Sadiku sqaroi se në fund ta trajnimit, fëmijët do të paisen me një certifikatë dhe ata që tregojnë talent mund të vërehen nga skautët dhe mbase edhe të bashkohen me klubin mbretëror një ditë.

“Në fund fëmijët do të marrin nga një certifikatë nga klubi kështu që edhe do te kenë mundësi natyrisht që nëse prej trajnerëve, skautëve të Real Madridit sheh talentin tek ata do të kenë mundësi të ftohen në një të ardhme te klubi mbretëror, por ç’është më ë rëndësishmja po e themi edhe njëherë është që eksperiencë sikur kjo është e veçantë sepse është njëjtë sikur të kryesh një kamp stërvitor në Spanjë, njëjtë edhe në Kosovë sepse me të njëjtat mënyra, metoda që punohet atje, do të punohet edhe në Kosovë”, tha Sadiku.

Formacionet zyrtare: Holandë – Ukrainë

Holanda dhe Ukraina takohen në takimin e parë të tyre në Grupin C në Euro 2020.

Të dy skuadrat tashmë kanë publikuar formacionet zyrtare për ndeshjen që fillon në ora 21:00 në stadiumin ‘Johan Cruijff Arena’ në Amsterdam.

Holanda futet në këtë takim si favoritë në letër dhe shpreson t’i marrë tre pikë.

Në anën tjetër, Ukraina është një skuadër e papërshtatshme ,derisa tenton që të përfitojë nga gabimet e mbrojtjes kundërshtare.

Formacioni startues i Holandës: Stekelenburg, De Vrij, Wijnladum, Depay, Van Aanholt, De Roon, Blind, Weghorst, De Jong, Dumfries, Timber.

Formacioni startues i Ukrainës: Bushchan, Sydorchuk, Yarmalenko, Malinovskyi, Yarmechuk, Zabarnyi, Mykolenko, Zinchenko, Zubkov, Karavaev, Matviyenko. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >

The post Formacionet zyrtare: Holandë – Ukrainë appeared first on Telegrafi.


Burimi: telegrafi.com

Policia e Maqedonisë arreston dy shtetas të Serbisë, gjenden 62 emigrantë në kamion

Nga MPB sot njoftuan se janë arrestuar H.F (33) dhe M.F (37) nga Serbia për shkak të dyshimeve të bazuara se kanë kryer veprën penale të dënueshme sipas nenin 418 të Kodit Penal.

“Dy shtetas të Serbisë janë arrestuar mbrëmë në ora 23:30 në autostradën A-1, te tuneli Javorica, policët bashkërisht me zyrtarë policorë nga Sllovenia, kanë gjetur në kamionin e tyre 62 emigrantë”, sqarojnë nga policia.

Nga MPB njoftojnë se dy personat janë nga Serbia dhe janë mbajtur për procedurë të mëtejshme.

“Gjatë kontrollit të kamionit të llojit ‘MAN’, ta tabela të Serbisë, e drejtuar nga G.F, ndërsa bashkë me të ka qenë M.F, janë zbuluar 62 emigrantë. Emigrantët janë dërguar në Qendrën e Pranimit në Gjevgjeli për procedurë të mëtejshme”, thuhet në njoftimin e MPB-së./Telegrafi/

The post Policia e Maqedonisë arreston dy shtetas të Serbisë, gjenden 62 emigrantë në kamion appeared first on Telegrafi.


Burimi: telegrafi.com

comment Add Comment

Zbulo ç’thuhet për ty, nga mënyra si fle gjumë!

Besojeni ose jo, ne kalojmë 1/3 e jetës duke fjetur. Sipas një studimi me mbi 2000 njerëz nga Slumber Clound, ana e shtratit se ku flemë ndikon në personalitetin tonë

Studimi tregoi se njerëzit që flenë në të majtë, pëlqejnë muzikën e vjetër dhe filmat dramë. Nga ana tjetër, njerëzit që zgjohen djathtas kanë më shumë gjasë të preferojnë muzikën rok dhe filmat aksion.

Pozicioni i gjumit: Me shpinë

Nëse flini me krahët e ulur, gjasat janë që të jeni të rezervuar dhe nëse krahët i keni zakonisht të shtrirë – jeni mendjehapur dhe të relaksuar, të qetë.

Ju keni standarde të larta jo vetëm për veten tuaj, por edhe për të tjerët. Njerëzit ju vlerësojnë për aftësitë që keni për të dëgjuar miqtë dhe të afërmit.

Pozicioni i gjumit: Me bark

Jeni unikë në llojin tuaj, me siguri keni aftësi të mira për biznes, tregti.

Keni vetëvlerësim të lartë, por ndonjëherë mbylleni në vete dhe dëshironi të mos flisni me askënd. Përveç këtyre, i urreni kritikat, citon Anabel.

Pozicioni i gjumit: Në anë

Nëse flini në pozicion “fetusi” (gjunjët afrohen te kraharori) jeni të ashpër nga jashtë, por thellë-thellë jeni të brishtë si një bebe.

Nëse flini në anë, jeni njerëz socialë dhe gjithmonë gati për aventura.

/Telegrafi/

The post Zbulo ç’thuhet për ty, nga mënyra si fle gjumë! appeared first on Telegrafi.


Burimi: telegrafi.com

comment Add Comment

Infermierja pretendon se vaksina është bërë një magnet, ajo tashmë është cak talljeje

Shumë persona që marrin vaksinat kundër Covid-19 kanë postuar video ditët e fundit duke pretenduar se vaksina i ka “magnetizuar” ata.

Infermierja Joanna Overholt nga Ohajo është një prej tyre.

Ajo madje bëri kërkesën e saj para Ministrisë së Shëndetësisë dhe u përpoq ta provonte atë duke mbështetur një çelës dhe një dorezë në qafën e saj.

“A mund ta shpjegoni këtë?” pyeti ajo të pranishmit, duke demonstruar veprimin e saj kinse objekte të ndryshme kapen në trupin e saj, por shpesh dështonte, transmeton Telegrafi.

Asnjë nga këto objekte nuk qëndroi shumë në trupin e saj dhe menjëherë ranë, por kur ajo së pari ngjiti çelësin në gjoks, ai qëndroi aty pak më gjatë.

Kjo, shkruan BuzzFeed, ndodhi sepse trupi i njeriut sekreton djersë, kështu që lëkura është ngjitëse dhe objektet mund t’i ngjiten asaj për një kohë të shkurtë.

Dhe është e rëndësishme të theksohet se shumica dërrmuese e çelësave sot nuk mund të tërhiqen nga një magnet sepse ato janë bërë kryesisht nga alumini.

Sidoqoftë, njerëzit në Twitter filluan të talleshin me të.

“Zonja dhe zotërinj, ky laps është bërë prej druri, por nëse e mbaj të relaksuar midis gishtërinjve dhe e lëviz lart e poshtë, duket sikur është bërë prej gome. A mund ta shpjegoni atë?” shkroi një në Twitter.

“E gjithë kjo është thjesht argëtim derisa të kuptoni se vaksina mund të magnetizojë aluminin”, shtoi një tjetër.

“Doktor, a mund të shpjegoni pse kam veti magnetike pas vaksinimit”? shkroi një tjetër. /Telegrafi/

The post Infermierja pretendon se vaksina është bërë një magnet, ajo tashmë është cak talljeje appeared first on Telegrafi.


Burimi: telegrafi.com

comment Add Comment

Konjufca kërkon të hapen arkivat e Serbisë, thotë se në dialog nuk i është kushtuar vëmendja e duhur çështjes së të pagjeturve

Kryetari i Kuvendit të Republikës së Kosovës, Glauk Konjufca, ka kërkuar që sa më parë të hapen arkivat shtetërore të Serbisë në mënyrë që të gjenden varrezat masive me trupat e shqiptarëve në Serbi.

Konjufca këto i tha gjatë takimit me Drejtorin Rajonal për Evropë dhe Azi Qendrore (ICRC), Martin Schüepp.

Ata në takim diskutuan lidhur me angazhimet e kësaj organizate për sigurimin e të dhënave për personat e pagjetur dhe zbardhjen e fatit të tyre.

Konjufca, pasi vuri në pah se në dialogun e deritashëm me Serbinë nuk i është kushtuar vëmendje e duhur çështjes së të pagjeturve, ritheksoi zotimin e institucioneve të Kosovës për adresimin e kësaj plage të hapur të luftës si një ndër prioritetet parësore.

Ai tha se tendenca e shtetit serb, që kreu gjenocid në Kosovë, ishte që trupat të mos gjenden kurrë, duke shtuar se shumë prej varrezave masive gjithandej nëpër Serbi me trupat e shqiptarëve ende nuk janë zbuluar, sepse autoritetet shtetërore të Serbisë vazhdojnë t’i mbajnë ato të fshehura. Prandaj edhe kërkoi që sa më parë të hapen arkivat shtetërore të Serbisë.

Drejtori i ICRC-së dhe i pari i Kuvendit u pajtuan për shtimin e bashkëpunimit në të ardhmen, si dhe koordinimin e aktiviteteve për zbardhjen e fatit të personave të pagjetur nga lufta e fundit në Kosovë.​ /Telegrafi/

The post Konjufca kërkon të hapen arkivat e Serbisë, thotë se në dialog nuk i është kushtuar vëmendja e duhur çështjes së të pagjeturve appeared first on Telegrafi.


Burimi: telegrafi.com