Shuhet Xhevdet Peci, legjenda e boksit në Kosovë

Ka ndërruar jetë legjenda e boksit Xhevdet Peci.

Për vdekjen e boksierit të famshëm ka njoftuar Mehmet Bogujevci, kapiten i gjeneratës së artë të Prishtinës.

Peci, është boksier shqiptar, ish pjestar i KB Prishtina, disa herë ishte kampion i ish-Jugosllavisë.

Xhevdet Peci nga viti 1975 deri 1983 arriti ti fitoj pesë tituj ne konkurrencën ekipore dhe katër tituj në konkurrencën individuale në ish-Jugosllavi. Po në këto vite Peci arriti të fitoj edhe dy kampionate Ballkanike.

Peci për pesë vite me radhë ishte boksieri që nuk kishte humbur asnjë match. Me 1983 dërgohet në Radniçki të Beogradit si huazim për ta shpëtuar nga rrënja e ligës.

Pas katër mujave Peci vendos të kthehet në folen e vjeter dhe bokson deri më vitin 1986 ku në Podgoricë të Malit të Zi pas një padrejtësie nga referi Serb ndaj tij e detyron Pecin që ta knock out-oj Referin në Ring dhe këtu Pecit i ndalohet boksimi përjetësisht dhe K.B.Prishtina dërgohet në ligën e dytë.

Rekordet e Xhevdet Pecit:

(1975 – 1983) – Katër here kampion i ish-Jugosllavisë në konkurencën individuale

(1975 – 1983) – Pesë here kampion i ish-Jugosllavisë në konkurrencen ekipore

(1978) – Kampion Ballkanikë

(1981) – Kampion Ballkanikë për herë të dytë

(1999  – deri me sot ) – kryetar e këshilit profesional së federatës boksit të Kosovës.