Samsung po i jep fund linjës Galaxy Note

Faqja në internet Ice Universe pretendoi se Samsung nuk do të lançojë një pasardhës të Galaxy Note 20 Ultra, një nga telefonat e saj më të mirë Android të vitit 2020.

Tani, një raport i botuar nga faqja koreane ‘Aju News’ thotë se Samsung ka konfirmuar zyrtarisht planet e ‘vrasjes’ së saj së linjës Galaxy Note, transmeton Telegrafi.

Raporti pretendon se Samsung ka vendosur të ndërpresë serinë Galaxy Note pasi po sjell S Pen mbështetje në linjat Galaxy S dhe Z.

Sipas ‘Aju News’, Samsung synon të nisë pasardhësin e Galaxy Z Fold 2 në qershor të vitit të ardhshëm. Përveç që përmban mbështetjen e S Pen, telefoni i palosshëm pritet gjithashtu të vijë i pajisur me një kamerë nën ekran.

Galaxy Z Fold 3 ka informacionin se do të përdorë Ultra Thin Glass (UTG) të gjeneratës së dytë, e cila është mjaft e fortë për të parandaluar gërvishtjet kur përdoret S Pen.

Samsung po punon gjithashtu për një zgjidhje të personalizuar të kamerës nën ekran për Galaxy Z Fold 3 për të ofruar një përvojë të vërtetë në ekran të plotë.

Sidoqoftë, Samsung mund ta heqë atë nëse cilësia e ekranit dhe kamerës nuk rezulton të jetë e kënaqshme. /Telegrafi/

The post Samsung po i jep fund linjës Galaxy Note appeared first on Telegrafi.


Burimi: telegrafi.com