comment Add Comment
Posted on Last updated

Peticion për ndryshimin e Logos së NBA, kërkohet që West të zëvendësohet me Kobe Bryant

Një peticion i krijuar nga Nick M për ta bërë të ndjerin Kobe Bryant, Logo të NBA, tashmë ka mbledhur gati 200,000 nënshkrime.

Bryant ndërroi jetë dje (e diel) në Calabasas, California në moshën 41-vjeçare, kur  po udhëtonte me helikopter, së bashku me shtatë persona të tjerë, ku që të gjithë humbën jetën, përfshirë edhe vajzën e tij 13-vjeçare, Gianna Maria Bryant.

Bota sportive është duke mbajtur zi për humbjen e një prej ikonave të tyre më të mëdha, ndërsa mbështetja e tifozëve ka qenë nga kudo për familjen.


Rrëfimi mbresëlënës për Kobe Bryant, nga një sensacion në shkollën e mesme – në një ikonë të NBARrëfimi mbresëlënës për Kobe Bryant, nga një sensacion në shkollën e mesme – në një ikonë të NBA

Për lojtarin që e prezantoi në mënyrën më të mirë lojën e basketbollit në të gjithë globin, u bë një peticion, për ta bërë atë Logo të NBA dhe tashmë ka marr gati 200,000 nënshkrime.

 

Logo e tanishme e NBA-s bazohet në ngjashmërinë e Legjendës së NBA, Jerry West.

Pamja e West ka qenë logoja për dekada e NBA, ndërsa ishte pikërisht West ai që e pa dhe e rriti Kobe Bryant në Los Angeles Lakers në vitin 1996.

 

Bryant ishte në vendin e 13-të në draftin e NBA, dhe u zgjodh nga Charlotte Hornets, por ai kaloi te Lakers pas një shkëmbimi me Vlade Divac.

Foto: Goal.com/Getty Images

West gjithashtu ka luajtur vetë për Lakers në vitet 1960, me numrin e tij 44, që po ashtu është i pensionuar dhe i varur në Staples Center.

Si menaxher i Përgjithshëm i Lakers në vitet 90 dhe 00, West pa lulëzimin e Kobe nga një fëmijë, në një nga lojtarët më të mëdhenj të të gjitha kohërave.

 

Ai që e ka nisur peticionin, beson që edhe West, nuk do të ishte kundër që një gjë e tillë të ndodh, duke e ndërruar atë me Kobe Bryant në Logon e NBA. /Telegrafi/

The post Peticion për ndryshimin e Logos së NBA, kërkohet që West të zëvendësohet me Kobe Bryant appeared first on Telegrafi.


Burimi: telegrafi.com