Ish-Miss Bota, Aishwarya Rai Bachchan, e quajtur shpesh “një nga femrat më të bukura në botë”, është shtruar në spital në Indi, e sëmurë me COVID-19 së bashku me vajzën e saj tetëvjeçare.

Ylli i industrisë indiane kinematografike, Bollywood, së bashku me të gjithë familjen e saj janë në spitalin Nanavati në Mumbai – transmeton KP.

Javën e kaluar u njoftua se bashkëshorti i saj Abhishek Bachchan dhe vjehrri Amitabh Bachchan, gjithashtu aktorë të famshëm, ishin shtruar në spital.

Aishwarya Rai, e cila ka luajtur dhe në filmin hollivudian, “The Pink Panther 2,” ishte më herët në izolim në shtëpi para se gjendja të përkeqësohej.