Organizata e Ashton Kutcherit shpëton 6000 fëmijë, viktima të trafikimit seksual
Organizata jofitimprurëse e Ashton Kutcherit,”Thorn: Digital Defenders of Children” ka identifikuar pothuajse 6000 fëmijë viktima të trafikimit seksual.
Aktori 40-vjeçar, bashkë-themeloi Thornin, fillimisht i njohur si Fondacioni i ADN-së, me ish-bashkëshorten Demi Moore në vitin 2009. Organizata ndihmon luftën kundër shfrytëzimit seksual të fëmijëve.
Demi Moore dhe Ashton Kutcher (Getty Images)
Raportet e ndikimit nga organizata për vitin 2017, tregojnë se softueri i Thornit i lejoi zbatuesit e ligjit dhe hetuesit të identifikojnë 5,791 viktima të trafikimit të fëmijëve.
Ata ishin në gjendje të shpëtonin 103 fëmijë nga situata ku abuzimi seksual i tyre ishte regjistruar dhe shitur.
Ashton Kutcher: S’do u lëmë para fëmijëve, do i japim për bamirësiThorn përdor aplikimin e internetit Spotlight, i cili siguron zbatimin e ligjit me informacione dhe ndjek rrjetet e dyshuara të trafikimit njerëzor dhe reklamat në të cilat shfaqen fëmijët, me qëllim të identifikimit dhe rikuperimin e viktimave.
Tani përdoret nga 5000 policë në të gjitha 50 shtetet e SHBA-së si dhe në Kanada. /Telegrafi/
The post Organizata e Ashton Kutcherit shpëton 6000 fëmijë, viktima të trafikimit seksual appeared first on Telegrafi.
Burimi: telegrafi.com