Milani synon transferimin e Carrascos, fillojnë bisedimet me agjentin e lojtarit
Milani po synon një tjetër transferim të bujshëm gjatë afatit kalimtar të janarit.
Skuadra italiane ka kompletuar transferimin e sulmuesit Piatek nga Genoa, por nuk mendojnë të ndalen me kaq.
Rossonerët janë futur në bisedimet me agjentin e sulmuesit belg Yannick Ferreira Carrasco që aktualisht është në klubin kinez Dailan Yifang.
25-vjeçari ka arritur synimin e tij të pasurohet për një vit në Kinë dhe tani synon rikthimin në Evropë.
Rossonerët po e kërkojnë atë si huazim për gjashtë muajt e ardhshëm me mundësi blerje në fund të sezonit për 25 milionë euro.
Yannick Carrasco sa ishte pjesë e Atletico Madridit. (Foto: Denis Doyle/Getty Images/Guliver)
Reprezentuesi belg i ka bërë të qartë zyrtarëve të klubit kinez se dëshiron largimin drejt Evropës.
Interesim për lojtarin ka shprehur edhe Roma nga Serie A por edhe dy skuadrat angleze Everton dhe Arsenal.
Carrasco më parë në Evropë ka luajtur edhe për Monacon e Atletico Madridin. /Telegrafi/
The post Milani synon transferimin e Carrascos, fillojnë bisedimet me agjentin e lojtarit appeared first on Telegrafi.
Burimi: telegrafi.com