LSDM: OBRM-PDUKM-ja do të mbahet mend si bllokuesja më e madhe për vitin 2019

Nga LSDM njoftojnë se mund të konstatohet se OBMR-PDUKM-ja do të mbahet mend si bllokuesja më e madhe e të ardhmes së vendit për vitin 2019.

“Faktet flasin se kërcënimi ndaj të ardhmërisë së vendit vinë pikërisht nga OBRM-PDUKM-ja e cila tentoi dhe po tenton ta bllokojë progresin në çdo fushë”, shprehen nga LSDM, njofton Telegrafi Maqedoni.

Ata thonë se në Kuvend, deputetët e partisë më të madhe opozitare bllokuan miratimin e ndryshimeve ligjore për rritjen e pensioneve për 320.000 pensionistë dhe se ishin kundër rritjes së pagës minimale.

“Bllokojnë demokracinë. Propozuan mijëra amendamente për të bllokuar një njësi zgjedhore. E dinë se qytetarët nuk e duan Mickoskin dhe për këtë shkak nuk duan lista të hapura. Frikësohen nga qytetarët”, thuhet në njoftimin e LSDM-së.

Sipas tyre, ata kanë bllokuar edhe Ligjin për mbrojtje, marrëveshjen e Prespës dhe tre muaj para zgjedhjeve ende nuk kanë program zgjedhor./Telegrafi/

The post LSDM: OBRM-PDUKM-ja do të mbahet mend si bllokuesja më e madhe për vitin 2019 appeared first on Telegrafi.


Burimi: telegrafi.com