comment Add Comment
E publikuar më I përditësuar i fundit

Klopp: Do të ishte e çuditshme që Luiz Diaz të zinte menjëherë vend te Liverpooli

Jurgen Klopp beson se nënshkrimit të ri të Liverpoolit, Luis Diaz, do t’i duhet pak kohë për t’u përshtatur me mjedisin e tij të ri, pas kalimit të tij nga Porto në afatin kalimtar të janarit.

Reprezentuesi kolumbian u dallua në skuadrën portugeze këtë sezon dhe Liverpool ishte i shpejtë për të marrë shërbimet e tij për 45 milionë eurove dhe 15 të tjera si bonuse.

Klopp nuk pret që ai të luajë menjëherë, pasi që ende nuk ka stërvitur me ekipin, pasi vetëm sot ka zbarkuar në Angli.

“Nëse ai që ka ardhur tani, do të dilte në fushë dhe do të ishte menjëherë në maksimumin e tij absolut dhe do të luante më mirë se të gjithë të tjerët, kjo do të ishte vërtet e çuditshme”.

“Për shkak se kemi punuar së bashku për një kohë, kjo kërkon kohë, sigurisht që ai të përshtatet”.

“Nuk e kam parë akoma, pasi nuk ka stërvitur, ndoshta duhet të presim edhe pak!”

“Ne jemi vërtet të lumtur dhe të emocionuar për nënshkrimin. Është vetëm një shenjë vërtet e mirë që ne punojmë në të gjitha frontet për të përmirësuar këtë ekip”.

“Ne duhet të jemi të suksesshëm tani dhe në të ardhmen, kështu që ai mund të ndihmojë me të dyja. Kjo është një gjë vërtet e mirë”, ka thënë Klopp në konferencën për shtyp,

Liverpool luan në FA Cup kundër Cardiff City në fundjavë. /Telegrafi/

The post Klopp: Do të ishte e çuditshme që Luiz Diaz të zinte menjëherë vend te Liverpooli appeared first on Telegrafi.


Burimi: telegrafi.com