Jep dorëheqje kryeministri armen, njoftimin e bën të ditur përmes një adresimi në televizion (Video)

Kryeministri armen Nikol Pashinyan tha të martën se po jepte dorëheqjen nga posti i tij në mënyrë që parlamenti të shpërbëhej dhe të zhvilloheshin zgjedhje të parakohshme.

Sipas mediave të huaja, përcjell Telegrafi, kryeministri armen njoftoi dorëheqjen e tij përmes një adresimi në televizionin kombëtar.

“Njerëzit e mi të dashur dhe krenarë, sot kam paraqitur dorëheqjen time”, u citua të ketë thënë Pashinyan.

Ai gjithashtu u zotua të “sigurojë shprehjen e lirë të vullnetit të popullit gjatë zgjedhjeve të menjëhershme”.

Ish-udhëheqësi i opozitës mori pushtetin në maj pas javëve të protestave që detyruan dorëheqjen e paraardhësit të tij.

Më parë këtë muaj, ai udhëhoqi mijëra përkrahës të tij që të rrethonin parlamentin për të ushtruar presion mbi armiqtë e tij për të pranuar një votim të hershëm.

Më 10 tetor, Pashinyan i tha transmetuesit France 24 se “zgjedhjet e parakohshme duhet të mbahen rreth 9 ose 10 dhjetorit”. /Telegrafi/

The post Jep dorëheqje kryeministri armen, njoftimin e bën të ditur përmes një adresimi në televizion (Video) appeared first on Telegrafi.


Burimi: telegrafi.com