Përzgjedhësi i Kosovës, Bernard Challandes, ka refuzuar të japë më shumë detaje lidhur me situatën e Arijanet Muric.

Federata e Futbollit të Kosovës përmes një njoftimi në faqen zyrtare kishte bërë të ditur se portieri i Kosovës është larguar nga kampi i Përfaqësueses për arsye disiplinore.

Në ndërkohë, ka pasur thashetheme se 22-vjeçari kishte shkuar në stërvitje i dehur, megjithatë diçka e tillë mbetet vetëm në cilësinë e spekulimeve.

Në konferencën për shtyp, përzgjedhësi i Kosovës është pyetur edhe për gardianin e Willem II, por ai ka refuzuar të tregojë më shumë.