comment Add Comment
E publikuar më I përditësuar i fundit

Barca cakton çmimin e Malcom dhe i njofton përfaqësuesit e tij se mund të largohet

Barcelona do ta lejojë largimin e Malcom për 60 milionë euro, pasi që klubi dëshiron të grumbullojë fondet për objektiva të tjera.

Braziliani u transferua në Camp Nou në verën kaluar nga Bordeaux për 40 milionë euro, mirëpo ai nuk arriti t’i plotësonte pritshmëritë te katalunasit.

Për këtë arsye, Blaugranët duan të fitojnë nga shitja e tij, prandaj sipas Marca, klubi i ka njoftuar përfaqësuesit e lojtarit se ai mund të largohet për 60 milionë euro.


Të gjitha lajmet nga MalcomTë gjitha lajmet nga Malcom

Klubet angleze, Arsenal, Everton dhe Tottenham Hotspur, kanë shprehur interesim për shërbimet e Malcom, i cili pas transferimit të Antoine Griezmann, do të ketë akoma më pak hapësira në skuadër.

Nga ana tjetër, deri më tani, përfaqësuesit e futbollistit nuk kanë bërë kërkesë për largim e as që kanë shprehur interesim që braziliani të ndërrojë ambient.

Situata e Malcom do të komplikohej akoma më shumë, në rast se Barca arrin ta kthejë sulmuesin tjetër brazilian, Neymar, sepse do të duhej ta largonin domosdoshmërisht një lojtar që është nga shtetet jashtë Bashkimit Evropian. /Telegrafi/

The post Barca cakton çmimin e Malcom dhe i njofton përfaqësuesit e tij se mund të largohet appeared first on Telegrafi.


Burimi: telegrafi.com